Fyrir stuttu kom út rannsókn sem kanadíska fyrirtækið AptiQuant gerði til að rannsaka grein vafranotenda.  Þar kom fram að notendur Opera eru vel yfir meðalgreind¹ eða með heil 120 stig á meðan notendur Internet Explorer eru með skitin 80 stig.  Notendur Google Chrome og Mozilla Firefox eru í efri mörkum meðalgreindar með 110 stig.

Ég velti því fyrir mér hvort við getum átt von á því að spurt verði í atvinnuviðtölum framtíðarinnar:

„hvaða vafra notarðu helst?“

Allir virðast vera á einu máli um að það sé ótækt að banna múffusölur og aðra kökubasara hvort sem það er í gróða- eða góðgerðarskyni, skítt með lög og reglur þegar kemur að múffum.  En ég get ekki sagt að ég sé sammála.

Hvort sem lögin eru á þennan veg eður ei þá er ástæða fyrir þessum lögum, þ.e. að þegar við festum kaup á matvælum þá getum við verið örugg um að eftirlit sé með framleiðslunni og að fyllsta hreinlæti sé gætt á staðnum en þegar kemur að múffusölum og öðru slíku þá getum við ekkert nema vonað að krakkinn á heimilinu sé ekki með njálg, eða að húsmóðirin sjálf hafi þvegið sér um hendurnar eftir að hafa hreinsað kattasandinn eða skipt á ungabarninu.  Örugglega er allt í góðu víðast hvar, en það breytir því ekki að við vitum ekki hver þessi eini er sem þvær sér ekki um hendurnar eftir salernisferðina og veður beint í deigið...

Fyrir utan það að bakarar þurfa að leggja á sig nám til að læra sína iðngrein, erum við ekki að gera lítið úr því með því að troða okkur inn á þeirra sérsvið í hvert sinn sem kvennfélagi eða starfsmannafélagi vantar péning?  Væri þá ekki þjóðráð að skella okkur í að bjóða í málningarverk eða raflagnaverk..? Svona til styrktar ferðasjóðsins...

Eftir að hafa tekið þátt í pólitísku starfi síðan síðsumars árið 2008 hef ég lært margt og kynnst mörgu en eitt af því sem ég hef uppgötvað er ofnæmi mitt fyrir smjörklípum.  Þá meina ég ekki gamla góða Smjörvanum heldur pólitískum smjörklípum líkt og þeirri sem bæjarstjóri vor, Árni Sigfússon, sullaði á vef Víkurfrétta undir yfirskriftinni „Geta ráðherrar haft jákvæð áhrif?“.

Mér er fyrirmunað að skilja hvað það er sem rekur manninn til að skrifa grein sem þessa þegar hann veit manna best að ef HS orka væri enn í eigu almennings þá væru þeir líklega ekki að reka mál fyrir gerðardómi í Svíþjóð gegn Norðuráli... þá má leiða að því líkur að orka samningsaðilanna gæti farið í eitthvað annað til að ljúka þessum málum.

Síðast þegar ég vissi er alls ekki svo langt síðan skipulagsmál á Reykjanesi voru frágengin, en það var ávalt svo óþægilegt að viðurkenna að eitthvað væri öðrum að kenna en bara ríkisstjórninni.

Ég stóðst ekki mátið í morgun um hálf tíu þegar ég var búinn hjá tannlækninum.  Hún var svo falleg birtan þar sem sólin barðist við að koma þokunni út úr Reykjanesbæ.

Það er nokkuð merkilegt með kísilverksmiðjuna sem á/átti að reisa í Helguvík hvað ekkert hefur staðist að undanförnu.  Þar breytir engu hvar er leitað... svörin eru loðin og villandi.  Hvað er annað hægt að segja þegar lofað var greiðslu frá Íslenska kísilfélaginu fyrir 15. júní og svo 30. júní og ekkert gerist...

Samkvæmt Reuters fréttastofunni hefur kviðdómur, í réttarhöldum um meinta spillingu fyrrum ríkisstjóra Illinois fylkis í Bandaríkjunum, fundið Rod Blagojevich sekan.  Ástandið var víst svo slæmt í réttarhöldunum að dómarinn var á endanum að skipa verjanda Blagojevich að fá skjólstæðing sinn til að þegja.

Ég get ekki annað en velt fyrir mér hvort við Íslendingar eigum nokkurn tíman eftir að sjá réttlæti sem þetta hér á landi.

Lögin um landsdóm eru það svekkjandi að hinum sönnu sökudólgar í íslenska hruninu, þ.e. hönnuðirnir sjálfir, sluppu allir þar sem of langt var um liðið frá þeirra afskiptum.

Einnig var sorglegt að fara í gegnum skýrslu rannsóknarnefndarinnar hvað þetta varðar, það var eins og ekkert hefði nokkurn tíman gerst fyrir mitt ár 2007.  En það skiptir víst engu máli núna, við sitjum heima og bölvum yfir sjónvarpinu þegar sagt er frá því þegar gjörspilltir menn eins og Blagojevich eða óprúttnir og sjálfselskir fjármálamenn á borð við Bernie Madoff fara á bak við lás og slá.  Er harðlínuaðferðin í USA kannski bara skárri..?